သက္ကရာဇ်(၁၃၁၈)ခုနှစ်တွင် ဘုရားဖူးလာပါရမီရှင်များ၏ လှူဒါန်းမှုအစုစုဖြင့် စေတီတော် အရှေ့ဘက်အာရုံခံငါးစပ်ဘုရားတန်ဆောင်းကို ဆောက်လုပ်လှူဒါန်းခဲ့ပြီးနောက် ကျောက်တန်းမြို့ အရှေ့ပိုင်းကမ်းနားလမ်း မြန်မာ့စည်းရုံးရေးစာပုံနှိပ်တိုက်ပိုင်ရှင် ဒေါ်ညီမကြီးနှင့်ဒေါ်စိန်တို့က ငါးစပ်ဘုရား  တန်ဆောင်းတစ်ဆောင်နှင့် အပေါ်ထပ်တောင်ဘက်နှင့် မြောက်ဘက်ဘုံဆောင်တို့တွင် ဘုံဆင့် မုခ်ပေါက်များပြုလုပ်၍ မတ်ရပ်ရုပ်ပွားတော်နှစ်ဆူတို့ကို ဆည်ဝန်ထောက်မောင်ကျော်မြင့်က တစ်ဆူ၊ မအေးကြည်၊ မစိုးကြည်၊ မညီမ၊ မစန်းမြင့်တို့က တစ်ဆူ အရှေ့ဘက်မတ်ရပ်ရုပ်ပွားတော်မှာ ဘုရားဒါယကာဦးဘထွန်း+ဒေါ်ဒေါ်သက်တို့က လှူဒါန်းပူဇော်ခဲ့ကြပါသည်။ “ဆုတောင်းပြည့်ငါးစပ်ဘုရားအာရုံခံတန်ဆောင်း”မှာ ပျက်စီးယိုယွင်းလာသည့်အတွက် (၁၃၅၆) ခုနှစ်၊ သီတင်းကျွတ်လဆန်း(၇)ရက်၊ (၁၀-၁၁-၁၉၉၄)နေ့တွင် သြဝါဒါဆရာတော်ကြီးများ၏ သြဝါဒနှင့် အညီ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ အတွင်းရေးမှူး(၁)ဒုတိယ ဗိုလ်ချုပ်ကြီးခင်ညွန့်၊ ဝန်ကြီး၊ ဒုဝန်ကြီးများ၊ တန်ဆောင်းဒါယကာအလှူရှင်ဦးအောင်ဒင်နှင့် (၇)ရက်သားသမီးများက ရတနာ အုတ်မြစ်ချစတင်ဆောက်လုပ်ခဲ့ပြီး တန်ဆောင်းအဆောက်အဦးနှင့် မြန်မာမှုကျွန်းကနုတ်ပန်း တပ်ဆင် ခြင်းအတွက် ကုန်ကျငွေ (၁၁၁)သိန်းကို  (၁၃၅၈)ခုနှစ်၊ ကဆုန်လပြည့်ကျော်(၃)ရက် (၄-၅-၁၉၉၆)စနေ နေ့တွင် တန်ဆောင်းဒါယကာ ကချင်ပြည်နယ်ဖားကန့်မြို့နေ ဦးအောင်ဒင်+ဒေါ်ကြည်သန်းနှင့် သားသမီး များဖြစ်ကြသော  မစန်းစန်းမြင့်၊ မောင်စိုးဝင်း၊  မောင်ထွန်းထွန်း၊ မသန်းမြ၊ မမြင့်မြင့်ဦး၊ မအေးသန်း၊ မောင်ဝင်းထိန်၊ မမော်မော်လွင်၊ မောင်ကျော်ကိုကို၊ မချောစုတို့မှ ရေစက်သွန်းချလှူဒါန်းခဲ့ပါသည်။