စေတီတော်တည်ထားကိုးကွယ်ရန် သတ်မှတ်ပေးခဲ့သောနေရာသည် ရှေးယခင်ကဘုရားသုံးဆူတည်ထားသောနေရာဖြစ်ပြီး၊ ဘုရားများ၏စိန်ဖူးတော်များမှ ရောင်ခြည်တော်ကွန့်မြူးသည်ကိုရှေးလူကြီးများပြောကြားခဲ့သည်ကို သိရှိခဲ့ရပြီး ယခုအခါတွင် ရေခ၍ပျောက်ကွယ်ခဲ့ရသည်ဟု သိရှိရသည်။ စေတီတော်သစ်တည်ထားရန်မြေများတူးသည့်အခါ ရှေးဟောင်းဘုရားရုပ်ပွားတော်များ တွေ့ရှိခဲ့ရပါသည်။

စေတီတော်မြတ်ကြီး၏ ပုံစံကို ရွှေတိဂုံစေတီတော်မြတ်ကြီး၏ပုံစံအချိုးဖြင့် ဉာဏ်တော်အမြင့်(၈၁)ပေ၊ စေတီအချင်း(၈၅)ပေ၊ ပန်းတင်ခုံအမြင့်(၇)ပေ ရှိသော စေတီတော်အရွယ်အစားတည်ဆောက်ထားပါသည်။

(က)     ၂၇–၂–၁၉၉၁ ရက်နေ့တွင် မြေသန့်မင်္ဂလာကျင်းပခြင်း။

(ခ)    ၂၇–၃–၁၉၉၁ ရက်နေ့တွင် ပန္နက်တင်မင်္ဂလာကျင်းပခြင်း။

(ဂ)    ၇–၄–၁၉၉၁ ရက်နေ့တွင် အုတ်မြစ်စီမင်္ဂလာကျင်းပခြင်း။

(ဃ)  ၂၆–၆–၁၉၉၁ ရက်နေ့တွင် အောက်ဌာပနာသွင်းမင်္ဂလာကျင်းပခြင်း။

(င)    ၂၀–၁၁–၁၉၉၃ ရက်နေ့တွင် အထက်ဌာပနာသွင်းမင်္ဂလာကျင်းပခြင်း။

(စ)    ၅–၁၂–၁၉၉၃ ရက်နေ့တွင် ပန်းလည်တိုင်စိုက်ထူသည့်မင်္ဂလာကျင်းပခြင်း။

(ဆ)  ၂၄–၁၂–၁၉၉၃ ရက်နေ့တွင် ရှင်လေးပါးဌာပနာသွင်းမင်္ဂလာကျင်းပခြင်း။

(ဇ)    ၃–၄–၁၉၉၄ ရက်နေ့တွင် စိန်ဖူးတော်မြတ်၊ ငှက်မြတ်နားတော်နှင့်ထီးတော်တို့ဆက်ကပ်လှူဒါန်းခြင်း။

(ဈ)   ၃–၄–၁၉၉၄ ရက်နေ့ မင်္ဂလာအချိန်တွင် စေတီတော်မြတ်ကြီးအား ဗုဒ္ဓဘိသေကအနေကဇာတင်မင်္ဂလာကျင်းပ၍  “သုဝဏ္ဏမြို့ဦးဆုတောင်းပြည့်စေတီတော်”ဟူသောဘွဲ့အမည်တော်ကို ဆက်ကပ်ပူဇော်ခြင်း။

 (ည)    ၁၁–၄–၁၉၉၄ ရက်နေ့တွင် အရံစေတီ(၈)ဆူအား ရွှေထီးတော်ငှက်မြတ်နားတော် စိန်ဖူးတော်တို့အား ဆက်ကပ်လှူဒါန်းပူဇော်ခြင်း။