ဧည့်လမ်းညွှန်မှုဆိုင်ရာ

ဆံတော်ရှင် ဆူးလေစေတီတော်မြတ်ကြီး၏ ဧည့်လမ်းညွှန်မှုဆိုင်ရာများမှာ

(၁) နေရာနှင့် အချိန်

(၂) ထီး/ဖိနပ် အပါအဝင် ပစ္စည်းများသယ်ယူခြင်း

(၃) အဝတ်အစား

(၄) အနေအထိုင် အပြုအမူ

(၅) ဆွမ်း၊ သောက်တော်ရေ၊ ပန်း ကပ်လှူခြင်းနှင့် ဆီမီးပူဇော်ခြင်း

(၆) ရွှေသင်္ကန်းနှင့် ရွှေ၊ ငွေ ပစ္စည်း စသည်တို့ဖြစ်ပါသည်။

နေရာနှင့်အချိန်

(က) ဘုရားဖူးများသည် ရင်ပြင်တော်ပေါ်သို့ စောင်းတန်းလေးသွယ်မှ တက်ရောက်ခွင့်ပေးထားရာ အခြားနေရာများမှ စည်းကမ်းမဲ့တက်ရောက်ခြင်း မပြုရ။

(ခ)  ဘုရားဖူးများ၏ ဘုရားဖူးချိန်မှာ နံနက်(၀၆:၀၀)နာရီမှ ည (၁၉:၀၀)နာရီအထိ ဖြစ်ပါသည်။

(ဂ)  အလှူအတန်းအတွက် အလှူရှင်သည် ရင်ပြင်တော်ပေါ်တွင် ညအိပ်လိုပါက ဂေါပကအဖွဲ့၏ ခွင့်ပြုချက်ကို စာဖြင့် ကြိုတင်‌တောင်းယူထားရမည်။

ထီး/ဖိနပ် အပါဝင် ပစ္စည်းများသယ်ယူခြင်း

(က) စေတီပရဝုဏ်နှင့် ရင်ပြင်တော်ပေါ်တွင် ဖိနပ်စီးခြင်း၊ ခြေအိတ်စွပ်၍  နေထိုင်သွားလာခြင်းကို လုံးဝခွင့်မပြုပါ။

(ခ)   ဖိနပ်များကို  သတ်မှတ်ထားသည့်နေရာများတွင် အပ်နှံထားရမည်။

(ဂ)   ဖိနပ်များကို   ဖိနပ်သိမ်းကောင်တာ  မဖွင့်သေး၍သော်လည်းကောင်း၊  အခြားအကြောင်းအမျိုးမျိုးကြောင့်သော်လည်းကောင်း အပ်နှံရန်မဖြစ်နိုင်၍ ရင်ပြင်တော်ပေါ်သို့ အိတ်များဖြင့်သယ်ယူသွားရပါမည်။

(ဃ)  ဓား၊ သေနတ်နှင့် အခြားအန္တရာယ်ပြုနိုင်သည့် ပစ္စည်းတို့ကို ရင်ပြင်တော်ပေါ်သို့ လုံးဝယူဆောင်လာခြင်းမပြုရ။

(င) အရက်သေစာ၊ မူးယစ်ဆေးဝါးများ၊ ၎င်းတို့နှင့် ပတ်သက်သည့် အသုံးအဆောင်ပစ္စည်း ကိရိယာတန်ဆာပလာများကို ရင်ပြင်တော်ပေါ်သို့ ယူဆောင် လာခြင်း မပြုရ။ တွေ့ရှိခဲ့လျှင် ဥပဒေအရ အရေးယူခြင်းခံရမည်။

အဝတ်အစား

(က)    ဘုရားဖူးများသည် ရင်ပြင်တော်ပေါ်တွင် မြန်မာ့ယဉ်ကျေးမှုနှင့် လျော်ညီစွာ ဝတ်ဆင် ကြရမည်။

(ခ)     ဘောင်းဘီတို၊ စကပ်တို၊ အင်္ကျီဝတ်ဆင်ခြင်းမရှိဘဲ သွားလာခြင်းမပြုရ။

အနေအထိုင် အပြုအမူ

(က) ဘုရားဖူးများသည် စေတီတော်ရင်ပြင်တော်ပေါ်၌ အသံကျယ်လောင်စွာပြောဆိုပြုမူခြင်း များကို မပြုရ။

(ခ)   ဘုရားဖူးများသည် ရင်ပြင်တော်ပေါ်တွင် အများပြည်သူ အမြင်မသင့်လျော်အောင် မဖွယ်မရာ မပြုလုပ်ရ။

(ဂ)  ဘုရားဖူးများသည်     ရင်ပြင်တော်ပေါ်တွင်     မည်သည့်လောင်းကစားမှုကိုမျှ မပြုလုပ်ရ။

(ဃ) ဘုရားဖူးများသည်   ရင်ပြင်တော်ပေါ်တွင်   သတ်မှတ်နေရာမှအပ   ကျင်ကြီးကျင်ငယ် မစွန့်ရ။

(င) ဘုရားဖူးများသည် ရင်ပြင်တော်သန့်ရှင်းရေးကို ရှေးရှု၍ တံတွေးထွေးခြင်းနှင့် ဆေးလိပ်တို၊ မီးခြစ်ဆံအပါအဝင် အမှိုက်များ မစွန့်ရ။

ဆွမ်းတော်၊ သောက်တော်ရေ၊ ပန်းကပ်လှူခြင်းနှင့် ဆီမီးပူဇော်ခြင်း

(က) ဘုရားဖူးများသည် ကပ်လှူပြီးဆွမ်းတော်စွန့်ရန် သတ်မှတ်ထားသည့် နေရာများမှတစ်ပါး အခြားမည်သည့်နေရာမျှ ဆွမ်းတော်မစွန့်ရ။

(ခ)   ကပ်လှူပြီးသောက်တော်ရေကို ရင်ပြင်တော်၏ ကြမ်းပြင်ပေါ်တွင် မစွန့်ရ။

(ဂ) ကုသိုလ်ရှင်နှင့်ဝန်ထမ်းများသည် ကပ်လှူပြီးပန်းများကို စွန့်လိုပါက သတ်မှတ်ထားသည့် နေရာများတွင်သာ စွန့်ရမည်။

(ဃ)    ဆီမီးပူဇော်ရန်အတွက် သတ်မှတ်ထားသော နေရာတွင်သာ ပူဇော်ရမည်။ တားမြစ်ထားသော နေရာများတွင် ဆီမီးပူဇော်ခြင်း မပြုရ။

(င)    အထူးအစီအစဉ်ဖြင့် ဆွမ်းတော်ကပ်လှူခြင်း၊ ဆီမီးပူဇော်ခြင်းများ လှူဒါန်းလိုပါက ဂေါပက အဖွဲ့ထံသို့ ကြိုတင်ခွင့်ပြုချက်ရယူရမည်။

ရွှေသင်္ကန်းနှင့် ရွှေငွေပစ္စည်းများ လှူဒါန်းခြင်း

(က)    ဘုရားဖူးများသည်  ဂြိုလ်တိုင်ရှိ  ဗုဒ္ဓရုပ်ပွားတော်များ၊    စေတီတော်ကြီး၏ ကိုယ်လုံးတော်နှင့် အရံစေတီများအား ရွှေချလိုခြင်း၊ ရွှေပြားလှူဒါန်းပူဇော်လိုပါက ဂေါပကအဖွဲ့ရုံးနှင့် ဆက်သွယ်လှူဒါန်းနိုင်ပါသည်။

(ခ)      စေတီတော်ရှိ ပြတိုက်တွင် အဖိုးတန်ပစ္စည်းနှင့် အခြားလှူဒါန်းလိုသည်များ ရှိပါက ဂေါပကအဖွဲ့ရုံးသို့ ဆက်သွယ်လှူဒါန်းနိုင်ပါသည်။ မိမိသဘောဖြင့် ပြတိုက်တွင် ထားခွင့် မပြုပါ။