အတုလမာရ်အောင် ဆင်းတုတော်သည် စကျင်ကျောက်ကို ထုလုပ်ထားသော ဆင်းတုတော်ဖြစ်သည်။ ဆင်းတုတော်၏စမ္မခဏ်တွင်အလှူရှင်ကမ္ပည်းရေးထိုးထားသည်။ ကမ္ပည်းအပြည့်အစုံမှာဤသို့ဖြစ်သည်။
“သက္ကရာဇ် ၁၂၄၁ ခု၊ သီတင်းကျွတ်လဆန်း ၅ ရက်တွင် ရန်ကုန်မြို့
ပန်တိမ်တံနေ ဘုရားတကာကိုလှပေါ်၊ ဘုရားအမ မမယ်ဇံ ကောင်းမှု”
ထိုဆင်းတုတော်သည် ရှေးကရင်ပြင်တော်ရှိ ဘိုးဘိုးကြီးဆောင်အနားတွင်ရှိသည်။ ပျက်စီးယိုယွင်း နေသဖြင့် ၁၉၇၃ ခုနှစ်နောက်ပိုင်းတွင် ဆူးလေစေတီတော်ဂေါပကအဖွဲ့က ပြန်လည်ပြုပြင်ပြီး “ဘိုးဘိုးကြီး ဘုရား” ဟု ဘွဲ့တော် သမုတ်ခဲ့ကြသည်။ ၁၉၈၉ ခုနှစ် ဆူးလေစေတီတော် ဘက်စုံမွမ်းမံပြုပြင် တည်ဆောက်ရေးလုပ်ငန်း ဆောင်ရွက်သည့်အခါ လက်ရှိသီတင်းသုံးတော်မူ သည့်ဂန္ဓကုဋိကျောင်းတော် အတွင်း ပြောင်းရွှေ့ကိုးကွယ်ခဲ့ပြီး ဘွဲ့တော်ကိုလည်း အတုလမာရ်အောင် ဆုတောင်းပြည့်မြတ်စွာဘုရားဟု သမုတ်ခဲ့ကြသည်။
