၁၉၂၈ ခုနှစ် မိုးရာသီတွင်အင်္ဂတေများအက်ကွဲပျက်စီးနေကြောင်း မနောမယဆရာတော်ကြီးကြား သိရသဖြင့်၊ ဂေါပကလူကြီးများနှင့်ဆွေးနွေးကာ စေတီတော်ကိုငုံ၍အသစ်ပြန်လည်တည်ခဲ့စဉ်ကဆရာ တော်ကြီးသည် စေတီတော်၏ငှက်မြတ်နားတွင် ဓာတ်သားဝိဇ္ဇာဇော်ဂျီရုပ်ထုတစ်ခုကို ထည့်သွင်းလှူဒါန်းခဲ့ပြီး၊ ယင်းကာလကလက်ရာနှင့်တကွတန်ဖိုးမှာ ကျပ်နှစ်ရာခန့်သာရှိသည်ဆိုပါသည်။ ၂၀ဝ၀ ပြည့်နှစ် ဝန်းကျင်ခန့်က ထိုဝိဇ္ဇာရုပ်တုနှင့် ကျောက်မျက်ရတနာများကို ဂေါပကအဖွဲ့က စစ်ဆေးအရောင်တင်ချိန်တွင် ခြေထောက်အောက်ပိုင်းနှစ်ဖက်မှာ မူလဓာတ်သားအတိုင်းပင် ရှိနေသော်လည်း တစ်ကိုယ်လုံးမှာမူ အံ့သြဖွယ်ရာရွှေသားစင်စစ် ဖြစ်သွားကြောင်း၊ ဂေါပကအဖွဲ့ အဆက်ဆက်ကမှတ်တမ်းပြုခဲ့ကြပါသည်။