ဝရဒ မုဒြာ

  (ဝရ = ဆု + ဒ = ပေးခြင်း)

  လိုအပ်သောဆုများ တလုံးတဝတည်း ပြည့်စုံစေဟူ၍ ပေးအပ်သော လက်တော်ဟန်ဖြစ်ပါသည်။

  ဤပုံတော်ကို ကိုးကွယ်ခြင်းအားဖြင့် ကောင်းချီးမင်္ဂလာ ဆုလာဘ်များရရှိခြင်း၊ ဆုတောင်းပြည့်ခြင်း၊ သားဆုကိုရရှိခြင်း၊ ဆန္ဒအတိုင်းကိစ္စပြီးမြောက်ခြင်း၊ သစ္စာအဓိဋ္ဌာန်ပြုရာ၌ ထိရောက်ခြင်း၊ ဓာတ်စည်း ဓာတ်သက်ဝင်ခြင်း၊ ရာထူးဌာနန္တရ တိုးတက်ခြင်း၊ စည်းစိမ်တိုးပွားခြင်း၊ စစ်ချီစစ်တက်ရာ၌ အောင်နိုင်ခြင်း၊ လက်ဆောင်ပဏ္ဍာခွန်ထုပ်များရရှိခြင်း၊ ခြွေရံသင်းပင်းပေါများ ကြွယ်၀ခြင်း စသော အကျိုးထူးများရရှိနိုင်သည်ဟု ယန္တရာယာနကျမ်းများ၌ ပြဆိုပါသည်။

  အင်္ဂါနံ၊ အရှေ့တောင်အရပ်သို့ မျက်နှာမူစံပယ်လျက်ရှိသည်။