ဗုဒ္ဓသည် နေ့အချိန်တွင် ခြေရေဆေးပြီး ရဟန်းများကို ဒုလ္လဘတရားနှင့် အပ္ပမာဒေန ဘိက္ခဝေ သမ္ပာဒေထဟု ဟောကြားပြီး ဂန္ဓကုဋီတိုက်သို့ဝင်ကာ အလိုတော်ရှိလျှင် လက်ယာတံတောင်ဖြင့် သတိ သမ္ပဇဉ်မလွတ်ပဲ ခဏတာမျှ လဲလျောင်းမှုပြုလေ့ရှိသည်။

တစ်ဖန်သက်တော်ရွယ်တော်ကြီးသောအခါ၌ မိမိဟောနေကျတရားကို ရှင်သာရိပုတ္တရာကို ဆက်လက်ဟောကြားစေပြီး ဂန္ဓကုဋီတိုက်အတွင်းသို့ ဝင်ကာ နှစ်ထပ်သင်္ကန်းခင်းပြီး ခေတ္တ လဲလျောင်းတော်မူသည်။

ဤသည်ကိုရည်ရွယ်၍ သာလျောင်းဘုရား တည်ထားကိုးကွယ်ကြပါသည်။

အရှေ့သာလျောင်း ၊ တောင်ပေါင်းလောင်း၊

နောက်စောင်းနေရဗာန် ၊ မြောက်နိဗ္ဗာန်။