၁၁-၉-၂၀၂၀ ရက်နေ့တွင် အင်ဂျင်နီယာအဖွဲများ ဖိတ်ခေါ်၍ မြေနေရာရွေးချယ်ခြင်း၊ မြေကြီးအမာခံရရှိရေး စမ်းသပ်ခြင်း လုပ်ငန်းများကို စတင်ဆောင်ရွက်ခဲ့ပါသည်။ အင်ဂျင်နီယာအဖွဲ၏အကြံပြုချက်အရ နဂါးရုံဘုရားနှင့်ဆက်စပ်လျက်ရှိသော ကန်တော်မင်္ဂလာမြေထိန်းနံရံကို အလျားပေ(၁၀၀)အမြင့် မြေဝင်အပါအဝင်(၁၁)ပေ အမြင့်ထု(၂၄လက်မ+၁၈လက်မ+၁၄လက်မ)အုတ်ရိုးများပြုလုပ်ပြီး စတင်ဆောင်ရွက်ခဲ့ပါသည်။၁၇-၉-၂၀၂၀ရက်နေ့တွင် မြေကြီးပြုပြင်ခြင်းလုပ်ငန်းများကိုစတင်ဆောင်ရွက်ပါသည်။ ရုပ်ရှင်တော်တည်ဆောက်ရာတွင် မလွတ်သောသစ်ပင်များ ခုတ်ထွင်ရှင်းလင်းခြင်း ၊ ဆရာတော်ကြီးများနှင့် မူလဘုရားတကာတို၏ ကြိုတင်ခွင့်ပြုချက်ရရှိပြီးသော ကျိုက်ထီးရိုးလေးစေတီကိုလည်း မူလအမွေအနှစ်များရယူကာ ဖယ်ရှားခဲ့ပါသည်။ ရာသီဥတုဆိုးဝါးခြင်း ၊ မိုးရာသီသိုရောက်ရှိသောကာလာဖြစ်ခြင်း ၊ ကိုဗစ် ၁၉ ရောဂါပြင်းထန်စွာ ဖြစ်ပေါ်နေခြင်းကာလဖြစ်၍ လုပ်ငန်းများဆောင်ရွက်ရာတွင် နှေးကွေးလျက်ရှိပါသည်။ သိုသော်လည်း ဘဏ္ဍာတော်ထိန်း ဂေါပကအဖွဲသည် လုပ်ငန်းစဉ်ဆက်မပြတ် ဆောင်ရွက်နိုင်ရေးအတွက် အင်ဂျင်နီယာအဖွဲများ ၊ ဗုဒ္ဓရုပ်ပွါးတော်တည်ထားခြင်းဆိုင်ရာ ကျွမ်းကျင်ပညာရှင်များ ၊ ဆရာတော်ကြီးများနှင့် စဉ်ဆက်မပြတ် လျှောက်ထားတင်ပြခြင်း ၊ အကြံဉာဏ်များရယူခြင်းများကိုဆောင်ရွက်ပြီးနောက် မြေကြီးစမ်းသပ်ခြင်းလုပ်ငန်းကို(၂)ကြိမ်တိုင်ဆောင်ရွက်ခဲ့ပါသည်။ အဆောက်အဦရေရှည်တည်တံ့ခိုင်မြဲရေးအတွက် မြေကြီးပြုပြင်ခြင်းလုပ်ငန်းများကိုလည်း စက်ယန္တရားများအကူအညီရယူခြင်း ၊ လူထုလုပ်အားပေးများ၏ အကူအညီကိုရယူခြင်းဖြင့် အချိန်နှင့် တပြေးညီကြိုးစားဆောင်ရွက်ခဲ့ပါသည်။ အလှူတော်ငွေရရှိရေးဆိုင်ရာကိစ္စရပ်များကိုလည်းအလှူရှင်များဖိတ်ခေါ်၍ ကြိုးစားဆောင်ရွက်ခဲ့ပါသည်။ ရာသီဥတုပြင်းထန်ခြင်းကြောင့် မြေကြီးပြုပြင်ခြင်းလုပ်ငန်းများကို ခက်ခဲစွာဆောင်ရွက်ခဲ့ရပါသည်။ မြေကြီးအမာခံရရှိရေးအတွက် ပိုင်ရိုက်ခြင်းလုပ်ငန်း ၊ မက်ဖူတင်ချခြင်းလုပ်ငန်းများကို လြေလာစုံစမ်း၍ အင်ဂျင်နီယာ အဖွဲ၏ အကြံပြုချက်အရ ကုန်ကျစရိတ် နည်းမည့် မက်ဖူတင် လုပ်ငန်းက(Coiletest) ၏အဖြေအရ အနက်(၂၁)ပေသို အကျယ်(၄၆ပေ)+(၆၄ပေ)ရှိသောမြေကြီး ပြုပြင်ခြင်းလုပ်ငန်းကို စတင် ဆောင်ရွက်ခဲ့ပါသည်။ မြေကြီး(၂၁)ပေ အောက်ခြေတွင် (၆+၉)လိပ်သဲကျောက်များခင်းခြင်းလုပ်ငန်းကို စတင်ဆောင်ရွက်ခဲ့ပြီး သဲများခင်းခြင်းလုပ်ငန်းများကို ဆောင်ရွက်ခဲ့ပါသည်။ အဆိုပါသဲများပေါ်တွင် လိုင်းကြမ်းခင်းခြင်းလုပ်ငန်းများကို ဆောင်ရွက်ခဲ့ပါသည်။ သမိုင်းဝင်ကျိုက္ကလော့စေတီတော်နှင့် ဆက်စပ်လျက်ရှိသော ကျိုက္ကလော့ကျောင်းသိမ်တော်ကြီးသည် ရုပ်ပွါးတော်တည်ထားရာတွင် ကုန်းတော်မှကန်တော်မင်္ဂလာသိုဆင်းသော အဆင်းလမ်း၏ အနောက်ဘက်တွင်တည်ရှိပါသည်။ သိမ်တော်ကြီးအရှည်တည်တံ့စေရန်မြေပြုပြင်ခြင်းကြောင့် ထိခိုက်ပျက်စီးမှု မရှိခြင်းနှင့် ကျိုက္ကလော့ဘုရားစောင်းတန်းတောင်ဘက်မှ ကန်တော်မင်္ဂလာသိုအဆင်းမြေလမ်း ထိန်းသိမ်းနိုင်ရန်အတွက် ကန်တော်မင်္ဂလာနှင့်သိမ်တော်ကြီးဆက်စပ်မြေနေရာတွင် မြေထိန်း နံရံတစ်ခုကို တည်ဆောက်ခဲ့ရပါသည်။ အဆိုပါမြေထိန်းနံရံကို ခေတ်မီသော နည်းစနစ်များ ၊ ဘုရားဖူးများနားနေရန် ကွန်ကရစ်ခုံများဖြင့်တင့်တယ်လှပစွာ ရေစီးရေလာကောင်းမွန်ရေးအတွက် တည်ဆောက်ခဲ့ပါသည်။