စေတီတော် အနောက်ဘက်ပတ်လမ်းအလယ်၊ ဘုရားဈေးနှင့် မျက်နှာချင်းဆိုင်၌ တည်ရှိ၍ မုခ်ဦးအလှူရှင်မှာ နှစ်ဖက်သောမိဘများကို အမှူးထား ၍ စမ်းချောင်းမြို့နယ်၊ ရှင်စောပုလမ်း၊ အမှတ်-၅၉မှ ဦးရွှေဘော်ဦး+ဒေါ်ခင်စန်းဝင်း၊ သမီး–မခင်နန္ဒာဦး၊ သား–မောင်စည်သူဦး၊ မောင်တင်ထူးဇော်တို့မိသားစုက ဆောက်လုပ်လှူဒါန်းပါသည်။

မဟာသက္ကရာဇ် ၁၀၃ခုနှစ်၊ ဝါဆိုလပြည့် နေ့၊ ဣသိပတန မိဂဒါဝုန်တွင် အလုပ် အကျွေးဖြစ်ခဲ့ဖူးသော အရှင်ကောဏ္ဍည၊ အရှင်ဝပ္ပ၊ အရှင်ဘဒ္ဒိယ၊ အရှင်မဟာနာမ်၊ အရှင်အဿဇိတို့အား မြတ်စွာဘုရား တရားဦးဟောဟန်ရုပ်ထုကို မရမ်းကုန်းမြို့နယ်၊ သမိုင်းလမ်းဆုံနေ ဂေါပက ဦးအေးကို (ယမုံနာ) + ဒေါ်ရွှေမြင့်၊ ကိုဝင်းဌေး+မမာမာဦး၊ ကိုလှနိုင်အေး+မမာမာလွင်၊ မအေးအေးမော်၊ ကိုညီညီလွင်+မမြမြစိုး (ယမုံနာ) မိသားစုက ၂၀၀၉ခုနှစ်တွင် တည်ထားကောင်းမှုပြုပါသည်။

ရွှေပလ္လင်ထက်မှ ထတော်မူ၍ ဗောဓိပင် အရှေ့မြောက် ဘက်၊ လေးဆယ့်ရှစ် တောင်ဝေးကွာသောအရပ်၌ ရပ်တော်မူ၍ “ငါသည် ဤဗောဓိ ရပ်ခွင် ရွှေပလ္လင်ဝယ် သဗ္ဗညုတဉာဏ်ကို ရပေသည်တကား”ဟု ကိလေသာ အောင်ပွဲ ခံရာ ဗောဓိပင်နှင့် ရွှေပလ္လင်ကို ခုနစ်ရက်တိတိ မမှိတ်သောမျက်စိဖြင့် ကြည့်ရှုတော်မူ သည်။ ထိုသို့ စံတော်မူသော အနိမိဿသတ္တာဟ ရုပ်ပွားတော်ကို ကွယ်လွန်သူ ဖခင်ကြီး ဦးစိန်ကြိုင် အား ရည်စူး၍ ဘုရင့်နောင်ပွဲရုံတန်းမှ ကျန်ရစ်သူ ဇနီး ဒေါ်တင်အေးနှင့် သားသမီးမြေး တစ်စုတို့က (၂၀၀၈)ခုနှစ်တွင် တည်ထားကောင်းမှု ပြုကြသည်။

ဗောဓိပင်၏ အနောက်မြောက် အတောင်လေးဆယ် ကွာ နတ်တို့ဖန်ဆင်းသော ရတနာဃရစံကျောင်းတော်၌ အလွန်လေးနက်သော အဘိဓမ္မာ တရားတော်များကို ဆင်ခြင်တော်မူသည်။ အဆုံးဖြစ်သော မဟာပဌာန်း တရားတော်ကြီးကို ဆင်ခြင်တော် မူသောအခါ စိတ်တော်၊ အသွေးအသားတော်တို့ ကြည်လင်လာကာ ကိုယ်တော်မှ ရောင်ခြည်တော်ခြောက်ဖြာတို့သည် ကွန့်မြူးလျက် ခုနစ်ရက်ပတ်လုံး စံပယ်တော်မူ သည်။ ထိုသို့ စံတော်မူသော ရတနာဃရသတ္တာ ဟရုပ်ပွားတော်ကို တောင်ဉက္ကလာ ရွှေကြာရံရိပ်သာမှ ဒုတိယဗိုလ်မှူးကြီး ခင်ရွှေ(ငြိမ်း)+ဒေါ်မေလှိုင် မိသားစုက (၂၀၀၈) ခုနှစ်တွင် တည်ထားကောင်းမှု ပြုကြသည်။

မဟာဗောဓိပင် အရှေ့တောင်ဘက် အတောင်နှစ်ဆယ်ကွာ မုဉ္စလိန္ဒကျည်းပင် အောက်သို့ကြွ၍ ဖလသမာပတ် ဝင်စားကာ နိဗ္ဗာန်ချမ်းသာကို ခံစားနေစဉ် ခုနစ်ရက်ပတ်လုံး အချိန်အခါမဲ့ မိုးကြီးရွာလေသည်။ ထိုအခါ ဘုရားရှင်အား အအေးဒဏ် မခံစားစေရန်နှင့် မှက်၊ ခြင်၊ ယင်များ မကိုက်စေရန် ရည်ရွယ်၍ မုဉ္စလိန္ဒာအိုင်မှ နဂါးမင်းသည် မိမိခန္ဓာကိုယ်အားခင်းပြီးလျှင် ကျန်ခုနစ် ခွေတို့ဖြင့် ရစ်ပတ်ကာဦးထိပ်၌ ပါးပျဉ်းဖြင့် အုပ်မိုးပူဇော်ပြီး ခုနစ်ရက်ပတ်လုံး စံပယ်တော်မူ သည်။ ထိုသို့ မုဉ္စလိန္ဒကျည်းပင်ရင်း၌ နဂါးမင်းအစောင့်အရှောက်ဖြင့် စံတော်မူသော မုဉ္စလိန္ဒသတ္တာဟ ရုပ်ပွားတော်ကို နှစ်ဘက်သောမိဘများကို ရည်စူး၍ အမှူးထား၍ ရှေ့နေ ဦးတင်လှ+ဒေါ်တင်တင်ဝင်း၊ ရှေ့နေ ဦးကျော်တင်မြင့်+ ဒေါ်ခင်အေး၊ ရှေ့နေ ဦးထွန်း+ဒေါ်ဌေးဌေး မိသားစုတို့က (၂၀၀၉)ခုနှစ်တွင် တည်ထား ကောင်းမှုပြု ကြသည်။