စေတီတော် အနောက်ဘက်ပတ်လမ်းအလယ်၊ ဘုရားဈေးနှင့် မျက်နှာချင်းဆိုင်၌ တည်ရှိ၍ မုခ်ဦးအလှူရှင်မှာ နှစ်ဖက်သောမိဘများကို အမှူးထား ၍ စမ်းချောင်းမြို့နယ်၊ ရှင်စောပုလမ်း၊ အမှတ်-၅၉မှ ဦးရွှေဘော်ဦး+ဒေါ်ခင်စန်းဝင်း၊ သမီး–မခင်နန္ဒာဦး၊ သား–မောင်စည်သူဦး၊ မောင်တင်ထူးဇော်တို့မိသားစုက ဆောက်လုပ်လှူဒါန်းပါသည်။

မဟာသက္ကရာဇ် (၆၈)ခုနှစ်၊ ကဆုလပြည့်နေ့၌ ကပိလဝတ်ပြည်နှင့် ဒေဝဒဟ ပြည်ကြား လုမ္ဗိနီအင်ကြင်းတော ဉယျာဉ်တွင် မယ်တော်မာဃာမဟာဒေဝီက အလောင်းတော် ကို ဖွားမြင်တော်မူ သည်။

ဗောဓိပင်နှင့် လေးတောင်ကွာ အရှေ့မျက်နှာ၌ တည်သော ရွှေပလ္လင်ထက်၌ ထက်ဝယ်ဖွဲ့ခွေနေတော်မူပြီး ပဋိစ္စသမုပ္ပါဒ်ဓမ္မကို အနုလောမ၊ ပဋိလောမဖြင့် ကုဋေတစ်သိန်းမကသော ဖလသမာပတ်ကို ဝင်စား၍ သိကြား၊ သုယာမ၊ သန္တုသိတ၊ မဟာဗြဟ္မာ စသော နတ်တို့၏ ပူဇော်ခြင်းကိုခံလျက် ခုနစ်ရက်ပတ်လုံး စံပယ်တော်မူသည်။