ဘုရားစေတီများ

သက္ကရာဇ် (၁၂၉၃) ခုနှစ်တွင် ဗုဒ္ဓမြတ်စွာခြေရာတော် ပါဒ စေတီတော်ကို ဒေါ်ပုမိသားစုက အနောက်တောင်ထောင့်၌ ဆောက်လုပ် လှူဒါန်းခဲ့ ပါသည်။ (၁၉၉၅) ခုနှစ်တွင် ထိုပါဒစေတီတော်ကို အနောက်ဘက်အာရုံခံ တန်ဆောင်းအနီး၌ ပြောင်းရွှေ့ တည်ထားခဲ့သည်။ ပါဒစေတီပလ္လင်တော်အား ဦးကျော်ခင်+ဒေါ်အမာကြည် မိသားစု၊ ပျဉ်းမနား (ရွှေစင်မင်း စိန်ရွှေရတနာဆိုင်၊ ရွေဘုံသာလမ်း)၊ ကိုမြင့်ဆွေ+မနွယ်နီ၊ ဗဟန်းတို့ ဆောင်လုပ်လှူဒါန်းခဲ့ပါသည်။ ပါဒစေတီတော်တန်ဆာင်းကို (၁၉၉၈) ခုနှစ်တွင် ဒေါက်တာစိန်ဝင်း+ ဒေါက်တာခင်ခင်မြင့်၊ သမီး –ဆုအိန္ဒြေစံ၊ သား–မောင်ပြည့်မြတ်ကောင်း၊ သမီး–မဆုမွန်သဉ္စာ မိသားစု (ယူနိုက်တက်ဆောက် လုပ်ရေး)တို့က ဆောက်လုပ်လှူဒါန်း ခဲ့သည်။

ဂေါတမမြတ်စွာဘုရားရှင်သည် သီတင်းသုံးရာ သာဝတ္ထိပြည် ဇေတဝန်ကျောင်း တော်မှ ဣဒ္ဓိဝိဒအဘိညာဉ်ဖြင့် ကောင်းကင်သို့ ပျံတက်ကာ နောင်သာသနာတော် ထွန်းကားမည့် မဟေသရကုန်း တော်ပေါ်သို့ ကိုယ်တော်တစ်ပါးတည်း ကြွချီရောက်ရှိ လာပုံ။

အလှူရှင်ဘုရားဒကာ  နေလသစ္စာဆရာကြီး ဦးပညာသိဒ္ဓိ (ခ) ဆရာတော် ဦးဩဘာသ၊ ဘုရားအမ–ရဟန်း မယ်တော် ဧကံသမနောပညာရှင် ဆရာမကြီး ဒေါ်နန်းစန္ဒာ၊ ဘုရားဒကာ–ဒုတက ဆရာကြီး ဦးဖြူထွေး+ဒေါ်မြသက်မူတို့က မတည်တည်ထား ပူဇော်ပါသည်။ ဦးလှဘော်+ဒေါ်တူး၊ ဒေါ်စိန်ရွှေတို့မှ မတည်၍ တံခွန်တိုင်များ၊ မဟာတံတိုင်း၊ ကြွေပြားများကို အများကောင်းမှုဖြင့် ကမ္ပည်းများထိုး၍ လှူဒါန်းထားပါသည်။ သတ္တာဟဝင်းအတွင်း၌ တည်ရှိပါသည်။

စေတီတော်၏ တောင်ဘက်တန်ဆောင်း အတက် ဝဲဘက်၌ အနော်ရထာ မင်းမြတ်မှ ရှင်အရဟံထံသို့ ပိဋကတ်တော်များ ဆက်ကပ်နေပုံ ရုပ်ထုတော်ဖြစ်ပါသည်။ ထေရဝါဒအုတ်မြစ်ချပေးသူ ရင်အရဟံ မထေရ်မြတ်နှင့် ပထမမြန်မာနိုင်ငံတော်ကို တည်ထောင်သူ အနော်ရထာမင်း မြတ်တို့ ၏ ကျေးဇူးကြီးမားမှုကို အမြဲသတိတရရှိစေရန် ရည်ရွယ်၍ ဂေါပက ဦးသိန်းစိုး+ ဒေါ်ကြင်ယုံ မိသားစုက (၂၀၀၉)ခုနှစ်တွင် တည်ထား ကောင်းမှုပြုထားပါသည်။ ရုပ်ထုများကို မြန်မာမှုပန်းပုပညာရှင် ဒေါ်ဆွေဆွေတင့်နှင့် အဖွဲ့ကထုလုပ်ထား ပါသည်။