နဂါးသိုက်သည် ဆုတောင်းပြည့်ခေါင်းလောင်းတော်၏ တနင်္ဂနွေထောင့်အောင်မြေ အနီးဆက်စပ်နေရာရှိ နှစ်သက်တန်းအားဖြင့် နှစ် ၁၀၀ ကျော်သက်တန်းရှိ လူငါးဖက်မျှကြီးမားသည့် ခရေပင်အိုကြီး ပင်စည်အခြေတွင် ၁’ ပတ်လည်ခန့်ရှိသည့် အပေါက်ဝ ပါရှိနေခဲ့ရာ ၎င်းအပေါက်မှ ဓါတ်မီးအား ကောင်းကောင်းဖြင့် ထိုးကြည့်ပါက အတွင်းမြေပြင်မှာ ညီညာနေပြီး ဝင်ရောက်၍ရပါက တရားထိုင်ချင်စရာပင်ကောင်းသည့် နေရာကို၊ ယုံကြည်သူများက နဂါးသိုက်အဖြစ်သတ်မှတ်ကြပြီး နွားနို့၊ပေါက်ပေါက်ဆုပ်၊ သောက်ရေခွက်၊ ပန်း၊ ဆီမီး စသည်များ လာရောက်လှူဒါန်းကြသည်မှာ အမြဲမပြတ်ပင်ဖြစ်ပါသည်။ ထိုင်းနိုင်ငံမှဘုရားဖူးများက နဂါးရုပ်တုနှစ်ကောင်၊ ပုဝါစိမ်းစသည်များ ဆက်ကပ်ထား သဖြင့် ပို၍စိတ်ဝင်စားဖွယ်ရာပင် ဖြစ်ပါသည်။ ဤနေရာသည်လည်း ရှေးနှစ်များကတည်းက တရားအားထုတ်သူ အဓိဋ္ဌာန်ပုတီးစိပ်သူများနေ့စဉ်ရှိခဲ့သည်မှာ ယနေ့တိုင်အောင်ပင်ဖြစ်ပါသည်။