ကျိုက်ခေါက်ဘုရားပွဲတော်ကို ရှေးယခင်နှစ်များက ရွှေတိဂုံဘုရားပွဲတော်ကျင်းပသည့် တပေါင်းလတွင် ကျင်းပပါသည်။ သက္ကရာဇ် ၁၂၂၀ ခုနှစ်ကျမှ တပို့တွဲလသို့ ‌ပြောင်းရွှေ့ကျင်းပလာသည်မှာ ယခုဆိုလျှင် တပို့တွဲလ ဗုဒ္ဓ ပူဇနိယပွဲတော်အဖြစ် နှစ်ပေါင်း ၁၅၀ ခန့်ရှိပြီဖြစ်ပါသည်။သဘင်ဥသျှောင်ဂရိတ် ဦးဘိုးစိန်မှ အလင်္ကာကျော်စွာရွှေမန်းတင်မောင်၊ ဝဏ္ဏကျော်ထင်စိန်အောင်မင်း၊ စံပြ သဘင်စိန်မာဒင်ဇာတ်သဘင်များနှင့်၄င်းတို့၏သား‌မြေးများ တသက်စိန်၊ ကနက်စိန်၊ ဝင်းဗိုလ်၊ မိုးမင်း၊ မိုး၀င်း၊ မန္တလေးသိန်းဇော်၊ ဖိုးချစ်၊ ဟန်ဇာမိုး၀င်း၊ စွမ်းဇာနည်စသည့် နာမည်ကျော်ဇာတ်အဖွဲ့များ၊ ဘီအီးဒီအောင်သိုက်၊ တွံ့တေးသိန်းတန်၊ မိုးဒီ၊ မော့စ်၊ ခင်လှိုင် ပဒေသာကပွဲအစုံဧက (၈၀)ကွင်းလုံးပြည့်ဖြင့် ကျင်းပခဲ့သည့် ထင်ရှားကျော် ကြားသည့် ဘုရားပွဲတော်ဖြစ်ပါသည်။

          မြန်မာနိုင်ငံအရပ်ရပ်မှဒေသထွက်ကုန်အစုံလာရောက်ရောင်းချသည့် ပွဲတော်ဖြစ်သဖြင့် ဆယ့်နှစ်ပွဲစျေးသည် များက ‘’ ကြက်ပျံမကျစည်ကားသည့် ပွဲတော်” သန်လျင်ကျိုက်ခေါက်ဘုရားပွဲပါဟု ‌ပြောစမှတ်ပြုကြရအောင် စည် ကားသည့် ဘုရားပွဲတော်ဖြစ်ပါသည်။  အနော်ရထာ၊ ဘုရင့်နောင်၊ အလောင်းဘုရားနှင့်၄င်းတို့၏ မင်းဆက်များသည်လည်း ဘုရားပွဲတော်ရက်များ တွင်ဗုဒ္ဓပူဇာ အဖြစ်လှူဒါန်းမှုများပြဒလုပ်ခဲ့ကြသည့်ကို သမိုင်းမှတ်တမ်းများအရ လေ့လာသိရှိရပါသည်။ ဘဏ္ဍာတော်ထိန်းဂေါပကအဖွဲ့များကလည်း ဗုဒ္ဓပူဇာ ၊ ဓမ္မပူဇာ ၊ သံဃပူဇာ ပွဲများ ကျင်းပမြဲကျင်းပလျက်ရှိ ပါသည်။