သက္ကရာဇ် ၁၂၇၁ ခုနှစ်တွင်၊ ကျောက်တန်းမြို့မှ ဦးရွှေဇံ + ဒေါ်တူနှင့် သားကိုထွန်းလင်းတို့က သထုံမင်းများနှင့် အနော်ရထားမင်းကစ၊ မင်းအဆက်ဆက်တည်ဆောက်ပြုပြင်ခဲ့ကြသော အရှေ့ဘက်စောင်းတန်းကို ခြ‌‌င်္သေ့ရုပ်နှစ်ကောင်နှင့် အသစ်ပြန်လည်တည်ဆောက်နေဆဲတွင် သက္ကရာဇ် ၁၂၉၃ ခုနှစ်၌သန်လျင်မြို့သူဌေးကွင်းရွာ၊ ဒေါ်လှမယ်သားဦးဘိုးညွန့်၊ ဦးဘိုးဟန်၊ သမီးမဝါတို့က၊ အရှေ့စောင်းတန်းမုခ်ဦး၊ ဘုံပြာသာဒ်၊ စောင်းတန်းအလယ်ပိုင်းကို ယင်းရွာနေ ဦးဘိုးသင် + ဒေါ်ဝါ၊ သားဦးဘိုးဝင်း၊ သမီးမသန်းညွန့်၊ မစောရင်တို့က ကုသိုလ်ယူခဲ့ရာ ၁၂၉၅ ခုနှစ်သီတင်းကျွတ်လဆနိး(၂)ရက်နေ့အပြီးသတ်ခဲ့သည်မှာ ယနေ့တိုင်မြင်နေရသည့်ကုသိုလ်ပင်ဖြစ်ပါသည်။  သက္ကရာဇ် ၁၂၈၃ ခုနှစ်တွင်တန်ဆောင်ဟောင်းနွမ်းနေမှုကြောင့် သုံးခွမြို့အပိုင်ပျဥ်မကန်ရွာနေ သူဌေးဦးမြတ်သူ + ဒေါ်နှင်းဘုံတို့က ဒုတိယအကြိမ်အသစ်ဆောက်လုပ်လှူဒါန်းခဲ့ရာ၊ လက်တစ်ဖက်မကကြီးမားသည့် ကျွန်းတိုင်ကြီး(၄)လုံးနှင့် တင့်တယ်လှစွာ ကကုသန်မြတ်စွာဘုရားရှင် သီတင်သုံး စံပိုယ်တော်မူလျက် ရှိသည့်ကို ဖူးမြော် မြင်တွေ့ကြရမှာ ဖြစ်ပါသည်။