ရှေးယခင်နှစ်တစ်ရာခန့်အထိ မြောက်ဘက်စောင်းတန်းရင်ပြင်တော်ထိပ်တွင် မထင်ရှားနတ်ကွန်းအဖြစ်တည်ရှိနေသည့် နေရာတွင် သာသနာပြုသက်တော်ရှည် ကျိုက်ခေါက်ဘိုးဘိုးကြီးရုပ်ထုလုပ်ပြီး ကျိုက်ခေါက်ဘိုးဘိုးကြီးနန်းအဖြစ် တည်ဆောက်လှူဒါန်းရန် ဆန္ဒပြင်းပြ အိပ်မက်များမြင်မက်လာသည့် ကျိုက်ခေါက်စေတီ ဘဏ္ဍာတော်ထိန်းဂေါဟာဟောင်း ဦးဘအို <ရာဘက်တရားသူကြီး> မိသားစုများက သက္ကရာဇ် ၁၂၈၇ ခုနှစ်တွင်၊ ဘုရားကုန်းကျေးရွာနေ ပန်းပုရုပ်ထုဆရာကြီး ဦးကြီးပြူကို အပ်နှံထုထုပ်စေပြီး၊ ယခုမြင်တွေ့ယုံကြည်စွာ ဆုတောင်းလှူဒါန်းမှုများ ပြုလုပ်နေကြသည့် အသက်ဝင်လှသည့် ဘိုးဘိုးကြီးရုပ်တုကို အောင်မြင်စွာ ဆန္ဒပြည့် ဆောင်ရွက်ခဲ့ခြင်းဖြစ်ပါသည်။ ထိုင်းနိုင်ငံမှ ယုံကြည်စွာလာရောက်ဆည်းကပ်ဆုတောင်းကြသည်မှာ တစ်လလျင် ဦးရေ (၁၀၀) ခန့်ရှိ့ပြီး၊ မြန်မာနိုင်ငံအရပ်ရပ်မှ လာရောက်ကန်တော့ကြသူများမှာလည်း ဘိုးဘိုးကြီးပတ်လည်ပွဲထိုး လှူဒါန်းထားမှုများက သက်သေပင်ဖြစ်ပါသည်။