ဘုရားဖူးအဖွဲ့များ သိရှိလိုက်နာကြရန်

သီရိမင်္ဂလာကမ္ဘာအေးစေတီတော်အတွင်းရှိ မြတ်စွာဘုရားဓါတ်တော်နှင့် အဂ္ဂသာဝကအရှင်မြတ်ကြီး (၂)ပါးတို့၏ရဟန္တာဓာတ်တော်များကို ကြိုတင်ခွင့်ပြုချက်ဖြင့်လည်းကောင်း၊ ဓာတ်တော် အပူဇော်ခံရန် သတ်မှတ်ရက်များတွင်လည်းကောင်း အများပြည်သူများ ဖူးမြှော်ကြည်ညိုနိုင်ရန် စီစဉ်ပေးလျက်ရှိ ပါသည်။

ဘုရားဖူးများအနေဖြင့် မိမိတို့ သဒ္ဓါတတ်အားသမျှ မြတ်စွာဘုရားနှင့် ရဟန္တာအရှင်မြတ်ကြီးများကိုသာ ရည်မှန်းအာရုံပြု၍ ကုသိုလ်ယူလှူဒါန်းကြပါရန်နှင့်ဂေါပကအဖွဲ့ဝန်ထမ်းများ၊ လုံခြုံရေးဝန်ထမ်းများအား အကျိုးဆောင်ခ တံစိုးလက်ဆောင် ငွေကြေးပေးခြင်းများကို လုံးဝ (လုံးဝ) မပြုလုပ်ကြပါရန် မေတ္တာရပ် ခံအပ်ပါသည်။

ရင်ပြင်တော်သန့်ရှင်းစေရေးအတွက် မိမိတို့၏ ဖိနပ်များကို အိတ်ဖြင့်ယူဆောင်ခြင်းဖြင့် ကုသိုလ်ယူပါ။

ဘေးမဲ့ငါးလွှတ်ကန်အတွင်း အသားစားငါးပေါက်များလွှတ်ခြင်းနှင့် ပြင်ပအစားအစာများကျွေးသည့် အတွက် ငါးများသေဆုံးခြင်းဖြစ်ပေါ်နေပါသဖြင့် ငါးသားပေါက်များ၊ ပြင်ပအစားအစာများ ရောင်းချခြင်း၊ ယူဆောင်ခြင်းများ (လုံးဝ) မပြုလုပ်ပါရန်နှင့် ရောင်းချခြင်းများတွေ့ရှိပါက တည်ဆဲဥပဒေများနှင့်အညီ အရေးယူဆောင်ရွက်သွားမည် ဖြစ်ပါကြောင်း အသိပေးအပ်ပါသည်။

ဘုရားနှင့်ပလ္လင်ရှေ့များတွင် ဖယောင်းတိုင်၊ အမွှေးတိုင်များ ထွန်းညှိ ပူဇော်ခြင်း မပြုလုပ်ရန်နှင့် ကွမ်းယာ၊ အမှိုက်များအား စည်းကမ်းတကျ စွန့်ပစ်၍ ကုသိုလ်ယူကြပါရန် မေတ္တာရပ်ခံအပ်ပါသည်။

ဘုရားရင်ပြင်တော် နှင့် ဂရုကုဋီတိုက်အတွင်းသို့ ဝင်ရောက်ဖူးမြှော်ကြရာတွင် စကတ် အတို၊ ဘေးခွဲ၊ ဘောင်းဘီတို့နှင့် အဂါရဝအဝတ်အစားများ မဝတ်ဆင်ခြင်းဖြင့် ကုသိုလ်ယူကြပါရန်မေတ္တာရပ်ခံပါသည်။